في كلامـــك نــــص عذابـــي.... وفي سكوتــــك يكتمـــل..!

ما منعني من عتابـي غير ذا الّي اسمه الخجل .. مادريت اشلون ابداقلت الله يسلــــمك


امدحـك واكسر حيائـي خفت يكسرنـي الزعل .. وانته لو تزعل حبيبي دمي يغلي مو دَمــــك


ولاّ انته بهيــبـتك هابت مع قلبي الجــــمل .. وانا من كثر احتياجي ما قدرت آفهـّـــمك


والله انك لو تقول النمل اكبر من الجــــــبل .. تلقى يدّي لك تصفق بس مفـقد عالمـــك


في كلامك نص عذابـي وفي سكوتـك يكتــــمل .. وان سكــتّ اخلق حكايه .. المهم اكلمــك


كل يوم اغفي واصحى والامل نفس الامـــــل .. كيف بس ارضي عذابك وانته قاسي مظلمــك


مالي فالابراج حاجه و قمـت احب ( برج الحـمل) .. لما قالوا هذا برجك قلت يمكن افهــــــمك


شيّ عادي لو انام والقى طيفك لي يهـــــــل .. لعنبو حظي وانا صاحي بعد قمت احلمــــك


لما قالوا ان هـذا الكـون اعـظم ما حصــــل .. قمت اضحك بين نفسي وقلت جرحي معظمــك


عن عذابي ما سألتـك بسّ جرحي اللي ســأل .. وأه يا جرحي دخيـلك كيف اقـدر ألجمـــــك


هي كذا ولا كذا ما عـدت اقـدر احتــــمل .. وانا صـدق براحـتي ما صـار ودّي اوهمـــك


فاختصارات العيون ابتلقى ما قـــــــل ودل .. والسواد اللي بعيوني.. قلت فيه آعلمــــــــــك